Ka rukom iaid ki kali kamai ha jaka sor bad ki thain nongkyndong ha East Khasi Hills

Syllad | The Rising MeghalayaJune 28, 2021

Ka Deputy Commissioner, East Khasi Hills District kala pynbna iaka rukom iaid ki kali kamai ha sor bad sha ki thain nongkyndon ha East Khasi Hills District.

Kane ka long haba pyntreikam iaka hukum kaba la pynmih da ka Tnat Home (Political) haka 25 tarik u ‘nai Jylliew 2021 kaba la shah haduh 20% ki kali kamai ha ki jaka sor bad 50% ha ki thaiñ nongkyndong bad katkum ka jingpeit thuh ia ka jingbun ki nongpang, bad naka bynta ka jingmyntoi ka iaid ka ieng hapoh ka distrik khnang ba kan ym don ka jingsaphriang u Covid-19 na kawei ka jaka sha kawei ka jaka.

Ka Deputy Commissioner kala pynbeit ryntih ia ka jingiaid ki taksi bad auto-rickshaw ka ban treikam naduh ka 28 tarik u Jylliew, 2021 haduh ka 3 tarik u Naitung, 2021 naduh ka por 6 baje mynstep haduh 6 baje janmiet kumne harum:

Na ka bynta ka Shillong Urban Agglomeration bad ki jaka ba marjan kan long 20% shisngi:

Ki taksi bad auto-rickshaw kin kamai tang hapoh ka Shillong Urban Agglomeration bad ki jaka ba marjan, kata, ki jaka kiba hap hapoh u pud u sam jong ka
Municipal
Cantonment
Ki Census Town bad ki shnong hapoh Mawlai C & RD Block
Ki Census Town bad ki shnong hapoh Mawpat C &RD Block
Ki shnong hapoh ka Mylliem C & RD Block

Ym shah ban kit briew shabar ka Shillong Urban Agglomeration bad ki jaka ba marjan katkum ba la kdew haneng. Ka iaid ka ieng na kawei ka distrik sha kawei pat bad shabar ka Shillong Urban Agglomeration bad ki jaka ba marjan kan long tang lyngba ki Pass kiba la ioh na ki bor ba dei khmih.

Ki kali kin iaid katkum ka jingpynbeit kumne harum:

Tarik	Taksi bad Auto Rickshaw
28 tarik u Jylliew (Sngi Nyngkong)	Ki kali kiba u nombar u kut 1 & 2
29 tarik u Jylliew (Sngi Ba-ar)	Ki kali kiba u nombar u kut 3 & 4
30 tarik u Jylliew (Sngi Balang)	Ki kali kiba u nombar u kut 5 & 6
1 tarik u Naitung (Sngi Palei)	Ki kali kiba u nombar u kut 7 & 8
2 tarik u Naitung (Sngi Thohdieng)	Ki kali kiba u nombar u kut 9 & 0
3 tarik u Naitung (Sngi Saitjain)	Ki kali kiba u nombar u kut 1 & 2

Ki jaka kiba hapoh ka Sohra bad Pynursla (Civil) Sub-Division kan long 33% shisngi:

Ki Sub Divisional Officer (C), Sub Division kin pynbeit ia ka jingiaid ki kali kamai tang hapoh ka Sub-Division jong ki.
Ym shah ban kit briew sha Shillong Urban Agglomeration bad ki jaka ba marjan kumba la kdew ha para I (a). Ka iaid ka ieng sha Shillong Urban Agglomeration bad ki jaka ba marjan kan long tang na ka bynta ki kam bym lah kiar bad dei ban da ioh ia ki Pass na ki SDO (C) jong ki.

Ki jaka kiba hapoh ki C & RD Block jong ka Mawryngkneng, Mawkynrew, Mawsynram, Sohiong bad Mawphlang kan long 33% shisngi:

Ki kali kin iaid hapoh la ka jong ka Block ha ki sngi ba la shah ban plie ia ki dukan bad kiwei ki jingtreikam.
Ym shah ban kit briew sha Shillong Urban Agglomeration bad ki jaka ba marjan kumba la kdew ha para I (a). Ka iaid ka ieng sha Shillong Urban Agglomeration bad ki jaka ba marjan kan long tang na ka bynta ki kam bym lah kiar bad dei ban da ioh ia ki Pass na ki BDO jong ki.
Ki kali kin iaid katkum ka jingpynbeit kumne harum:-

Tarik	Taksi bad Auto Rickshaw
Sngi 1	Ki kali kiba u nombar u kut 0, 1 & 2
Sngi 2	Ki kali kiba u nombar u kut 3, 4 & 5
Sngi 3	Ki kali kiba u nombar u kut 6, 7 & 8
Sngi 4	Ki kali kiba u nombar u kut 9, 0 & 1

Dei ban bud pyrkhing ia ka rukom shong briew ha ki kali kumne harum:

Kali	Rukom shong briew
Taksi	1 + 3
Auto Rickshaw	1 + 2

Dei ban thoh shai ia ka kyndon ba la dep ai tika ne bym pat dep ai tika ha ki kali katkum ka hukum kane ka ophis No. C&S.2/CVD/2021/ORD/159 ka 24 tarik u Jylliew, 2021.

Dei ban deng ar syrtap ka mask ne ka N-95, wat lada don tang u nongñiah. Ki briew kiba pyndonkam ia ki kali shimet bad kiba lah don ka Pass ne ba lah ioh jingbit, bad shong 100% ka jaka shong, baroh ki dei ban deng ar syrtap ka mask ne ka N-95. Dei ban pyndonkam ruh ia ki dawai sait kti. La ai jingmut ba dei ban pyn pyngngad ia ka kali katba dei rukom.

Ha ki thuk thuk ar shaka kiba la ioh Pass ne ba lah ioh jingbit ym bit ban shong ar ngut lait noh tang ki kynthei ki khynnah.

Baroh ki bor kiba dei khmih ia ki kali kamai ki dei ban peitngor bad pyntreikam pyrkhing ia ki lad jingiada na u COVID-19 bad ka rukom shong briew ha ki kali.

Kiba pynkheiñ ia ki kyndon bad ki jingbthah naka tnat ka Koit ka Khiah ka Sorkar Meghalaya bad naka kane ka Ophis kin shah pynshitom katkum ki kyndon aiñ.