Ka Seinjait Tuber HSS & ka Cham Cham SS ki lahduh haka Inter School Athletic Meet ha East Jaintia Hills

Syllad | The Rising MeghalayaMay 4, 2023

Ka Seinjait Tuber Higher Secondary School bad ka Cham-Cham Secondary School kila kylla long ki lahduh haka lympung ïalehkai athletic ki khynnah skul kaba la tip kum ka “Chief Minister District Level Inter School Athletic Meet 2023 kaba pyniaid daka ophis jong ka District Sports Officer, East Jaintia Hills District kaba la poi noh sha kaba kut haka sngi Palei ha madan Teilang Dkhiah West, Khliehriat.

Ka Seinjait Tuber kala ioh rah iaka nam lahduh na ki shynrang hadien ba kala khur 22 tylli ki takma kiba kynthup 10 tylli takma ksiar, 9 tylli ki takma rupa bad 3 tylli ki takma rnong.

Katba ka Cham-Cham Secondary School ka dei ka lahduh na ki kynthei hadien ba kala ioh khur 14 tylli ki takma kiba kynthup 5 tylli ki takma ksiar, 5 tylli ki takma rupa bad 4 tylli ki takma rnong.

Ka nam Best Discipline School la ïoh rah da ka skul Sein Raij Br.U.P.S, Mukhaialong.

Ar tylli ki nam best athlete la ioh rah da ka Seinjait Tuber bad kine ki kynthup iaka Under-14 Boys kaba la ioh da u Mutskhem Sari bad haka Under-16 Boys da u Dathrangshwamiki Shylla.

Ha ka kyrdang Under-14 Girls la ioh da ka Turoi Phawa haka jinglehkai Long Jump kaba na ka Ieng Swer Memorial Secondary School, haka Under-16 Girls la ioh da ka Thaibiang Phawa Seiñraij BR. UPS Mukhaïalong hadien ba kala jop iaka jingmareh 2000 metres.

Haka Under-18 Boys la ioh da u Damehi Chyrmang naka skul Good Shepherd Secondary School Ladrymbai hadien ba ula jop haka Long Jump bad haka Under-18 Girls la ioh da ka Wansaki Phawa kaba na ka skul San Shnong Secondary School Mukhaïalong hadien ba kala jop iaka jingmareh 3000 metres.

U kongsan uba la wan ban pynhap pyrda ia kane ka lympung ialehkai ki khynnah skul u dei u Superintendent of Police, East Jaintia Hills District Jagpal Singh Dhanoa, IPS haka jingdonlang ka District Sports Officer SM Rapsang, Directorate Sports and Youth Affairs, Kong Darleen Khonglam, ka District Sports Officer Nongstoin, Kong Balarina Syiem, ka District Child Protection Officer, Khliehriat Kong R.D Kynjing ki dkhot na ka Social Welfare, u Working president ka EJDSA u James Sutnga, EJDSA General Secretary, Comingone Tlang ki principal bad ki nonghikai na ki skul bapher bapher ka District.