Ka Shillong Lajong FC ka long ba la pynkhreh ban mih ia aireng ha ka I-League

Syllad | The Rising MeghalayaNovember 22, 2024

Ka Shillong Lajong Football Club ka la long kaba la pynkhreh pura ban mih shakhmat ban iashim bynta ha kane ka samoi ialehkai jong ka I-League 2024-25, kata ka ban sdang da ka jingwan iakhun jong ka kynhun Churchill Brothers, kaba la buh ban long ha ka 24 tarik Naiwieng ha ka por 7 baje janmiet ha madan SSA Stadium, First Ground, Polo.

Haba iadei bad kane ka bynta na ka liang jong ka Club ha ka 21 tarik Naiwieng ka la wan ban pynpaw sha ki lad pathai khubor ia ki jkingpynkhreh, ka thong bad ka jingdon jong ki player ha kane ka kynhun na ka bynta kane ka samoi ialehkai ka ban wan.

Nalor kata la iarken ruh ha kaba iadei bad ka jingbym pat lah ban pynbiang ia ki sienjam ban pyni live sha ki paidbah ia ki jingiakhun kiba dei jong kane ka I League.

Ha kane ka jingwan iakynduh ia ki lad pathai khubor la wan ban don lang da u Bah Seibor Sana, u Bah Haba lyngdoh CEO ka Club, u Coach jong ka kynhun u Jose Carlos Rodriguez Hevia lem bad ki arngut ki player kiba kynthup ia u Hardyciff Nongbri bad u Phrangki Buam.