Ka shna sboh Berkeley ha Pynthorlangtein
JOWAI: Ka office Society for Urban & Rural Empowerment (SURE) Jowai, naka bynta ka jingmyntoi jong ki paidbah jong ka shnong Pynthorlangteiñ, West Jaiñtia Hills District, kala pynlong ïaka training shna boh (Berkeley composting) ha ka shnong Pynthorlangtein ha U Kyllalyngkot 23, 2019.
La pynlong ïa kane ka jinghikai d aka jingiatreilang bad ka office Northeast Slow Food & Agro biodiversity Society (NESFAS) Shillong.
Shwa ban sdang ïaka training la don ka jingïalang kaba lyngkot la pynïaid da u Arminius C Lipon, Waheh Chnong ka shnong Pynthorlangtein. Ka samla Deadidakami Mohrmen kala batai shaphang ka rukom treikam ka Society for Urban & Rural Empowerment (SURE) bad ka jingthmu jong kane ka training.
La ïoh ïaki jingai jinghikai na u riewshemphang u Marlangki Challam, Agriculture Development Officer Sohmynting circle, uba la batai shaphang ïaki rukom ban shna sboh da kaba pyndonkam ïaki phlangim, ki phlangïap, eitmasi, makruid, ka um, ka jar, ka plastic bad u tyllai.
Ki briew baia don lang ha katei ka training ki kynthup ïaki Local Groups bad SHGs naka shnong Muphlang, Mustem, Shkenpyrsit bad Pynthorlangtein.
Facebook
Instagram
Youtube
Twitter
Leave a Reply