Ka shnong Jowai, ka surok bah NH-6 bad ka jingrakhe ioh jylla ba pura bad laitluid ka Ri

O R ShallamOctober 11, 2021

Ka jingdap 50 snem ka jingioh jylla ba pura bad ka jingrakhe 75 snem ka jingioh laitlluid ka ri (Freedom) na kajingsynshar u Phareng, la kyrpad ia ngi ki nongshong shnong ka Meghalaya bad ka Ri India ba ieit jong ngi shibun ki jingpynkhreh ban leh pyndon burom ia ka lyngkhuh snem 50 bad 75.

Ki don jingmyntoi hangne hangtei, ki nongialam ba don jingkitkhlieh iaka Ri bad ka jaitbynriew ki wan ki leit, ki ladon ki office sorkar bapher bapher kiba la tei bha bad ki dang don kiba don ha ki ïing wai, ha Jowai khamtam la don ka jingpyrshang ban pynsuk iaka leit ka wan mih ki subway, byepass, hynrei haba peit ia kine kiei kiei ka long tang ka buit ia leh Election mano re ha kito ki por- kine mynta ki la duh la dam khamtam ka surok Lad Nyrtiang, ka surok kaba naka thain Amlarem ka dang long tang ba ha shwa kane ka celebration ka lah ban duh noh.

Ka NH-44 kaba tip mynta NH-6 naduh Mawryngkneng ym don shuh ba lah ban buh jingkylli, jia aiu ia kane ka Highway ka jingmih kaba bun, ioh kan kut noh ka leit ka wan hapdeng ka East Khasi Hills bad West Jaintia Hills hadien kine ki celebration baroh 50 bad 75.

Mynta nga kwah ban buh ia kane ka jingkylli ha ki nongmihkhmat na kane District phi leh aiu na ka bynta kane, phi ju poi sha ka constituency jong phi ynda phi la mad ia kane ka jingeh phi sngap ne phi thnum ha mynseim. Kane Sorkar imat ka ioh jingbit na ka tnad Road Transport and Highway Authority ban repair ia ki internal road hapoh sor Jowai da ka khyndew saw. Nga kynmaw naduh ba wan kane ka sorkar MDA ngim juh ioh i shuh ka surok rong ne psiang, lada peit iaka surok Syntuksiar naduh 2018 ki khlem repair bad baroh ki surok Dulong College, Thomas Jones Road bad ha baroh ki bynta ka Shnong Jowai.

Ngi ki nongshong shnong ngi la pdiang hun ia kane ka jingleh kmie nah ka sorkar, u MLA bad ka PWD, ka por ka la jan kynmaw ka jingbakla u 2018 ngi ioh da ka khyndew lada ki bakla ha u 2023 tip ngin ioh pat da ka ei. Bishar bniah ia kiei kiei baroh to ia kyndit bynriew.