Ka shnong Mukhap kam kyrduh um kumba kynnoh ka KSU Leimow

Syllad | The Rising MeghalayaNovember 9, 2020

Ka Seng Samla Shnong Mukhap, kaba tip kyrteng kum ka Mukhap Student Youth Organisation (MSYO) kala pynpaw ka jingsngew lyngngoh halor ka jingkynnoh ka KSU Leimow Unit ba kyrduh um ka shnong Mukhap.

“Ka shnong Mukhap kam shym la kyrduh umbam umdih haduh katta katta kumba la pynmih khubor ka KSU haka 7 tarik une u bnai,” la ong ka MSYO. 

Ka MSYO kala ong ba ha ka shnong Mukhap ka umbam umdih ka dang biang wat haki aiom tlang kumjuh mynta. Halor ka um PHE ka MSYO ka dang iai buddien hi ia kane.

Haka juh ka por ka MSYO kala kyntu ruh iaka KSU Leimow Unit ban pyrkhat arsien ha shwa ban pynmih kino kino ki khubor khlem da don iaki sakhi kiba biang namar ba kum kine ki khubor ka ktah iaki nongshong shnong bad ialam bakla ia u paidbah nongpule khubor.