Ka sien nyngkong ha Meghalaya ba ka longkmie kaba bit pang COVID-19 ka kha khun synrap

Syllad | The Rising MeghalayaJuly 29, 2020

Ka long ka khubor kaba kmen iaki doctor jong ka Jowai Civil Hospital, Ialong, West Jaintia Hills District hadien ba kila iarap iaka longkmie ban kha khun synrap wat hadien bala test positive iaka na ka jingpang khlam COVID-19.

Kane ka longkmie kaba don kiwei pat ki jingpang la test positive na u coronavirus haka sngi ba Ar. Kala wan thiah ha kane ka aspatal ha kane ka Sngi U Blei, ka taiew bala dep haka por step kumba 4 baje eiei bad kala kha da ki khun synrap ha ka juh ka step bad baroh ar kine ki khun kidei ki kynthei.

Haba iakren bad ka Dr Rita Pohrmen, Medical Superintendent of Jowai Civil Hospital, said, “Ka kynhun kaba ialam da u doctor gynaecologist kila iarap ia kane ka longkmie ban pynkha iaki khun synrap. Kane ka longkmie kala kha ia ki khun synrap bad baroh shikmie shi khun kilong kiba shait ba khlain.”

“Kane ka case kaba nyngkong eh haka Jylla bad ka nongpang COVID-19 kan kha khun synrap” la ong ka Dr Porhrmen

Ka Dr Pohrmen kala iathuh ba ha kane ka sngi kaba kha khun kane ka longkmie ki don kiwei rung ki longkmie ba kha khun ha labour room bad maternity ward bad baroh la pynkynriah iaka sha Maternity and Child Health, Hospital Jowai bad baroh yn leh iaka test COVID-19 katkum ka kyndon jong ka tnad ka Koit ka Khiah. Katba ki doctor, nurse bad ki nongtrei ka aspatal la phah shong iaki ha ïing.

Hadien bala test positive ia kane ka longkmie la khang shipor iaka aspatal kumjuh iaka maternity ward bad labour room tad hadien bala dep ban pynkhuid ne sanitized iaka aspatal bad ki karma baroh. Katba ka jingshakri iaki nongpang kiba don ha aspatal kala iaid shait shait namar ba naduh ba wan kane ka longkmie ruh ym shym la pyniakhleh iaka bad kiwei kiwe nongthiah pang ne longkmie ba kha khun, ong ka Dr. Pohrmen