Ka sorkar ka dei ban pyntrei mardor iakla Solid Waste Management: KYKWM

Syllad | The Rising MeghalayaApril 27, 2022

U Ma Khroo Lamsalanki Pariat president ka Sein Khooid Ya Ka Wah Myntdu (KYKWM) haka sngi Balang ula dawa mardor n aka sorkar ban pyntreikam iaka Solid Waste Management Rule 2016 ba thaw ka sorkar India kaba hap hapoh ka Environment (Protection) Act 1986.

U Ma Khroo ula shuh shuh ba kala dei eh ka por b aka sorkar kan kyndit thiah noh ban pyntreikam ia kane ka aiñ ban iada iaka sawdong sawkun ka mariang.

“Ka niut ha Jowai ka dei ka nuksa kaba shyrkhei bha ha kaba la sakhi ba ia ki ñiut la bret pathar ha kylleng ki jaka kaba buh jingma iaka um ki wah khamtam iaka Myntdu haki bynta ba shaneng bad sharum, ka pynthor wah bad nein,” la ong u Ma Khroo.

 U la kren bynniaw ruh ia ka jingtlot treikam ka Jowai Municipal Board bad ki bor Sorkar ba peit bad pynïaid ia ka West Jaintia Hills District ha ka liang ka nuit. Ka sorkar jylla ba peit ïa ka West Jaiñtia Hills District bad East Jaiñtia Hill District ki dei ban shimkhia ban pynreikam iaka Solid Waste Management.

Ula ong ba dkhot ka seng ki la pynlong ka jingbuddien ban leit peit ia ka jaka ba thmu ka JMB ban bret niut ha ka jaka ka JHADC ha Pangit, Khliehtyrshi bad ha ki jaka ha Jowai.

Ha ka jingbudien u la lap ia ki jingma ba ap lypa ia ka wah Myntdu bad ki Pynthor Kba ka shnong Demthring na ka liang Mynkrem Khliehtyrchi, lada ka JMB kan ïoh ban ret ïa ka nuit ka jaboh jong ka ha Pangit tang shu wan u slap ha kane ka lyuir ban wan bad ka jingpang ba bun jait na ka lyer bih ba wan na ka jingsma jingtung ynda syaid bha ka sngi.

Ka KYKWM kala lap ba kaba shuh shuh ka dei na ka jingbret pathar iaki niut ha ki bynta jong ki riat, ki jaka ba don u surok Thomas Jones ki ban hap sha ki wahduid ki ban poi sha ki bynta ka Myntwa sha wah Myntdu ha Pynthorwah.