Ka sorkar ka dei ban sangeh noh ban ai wai ïa ka kam iada jingim briew: CoMSO

Syllad | The Rising MeghalayaOctober 1, 2019

SHILLONG: Ka CoMSO hadien ba kala wan ban ia kynduh ia ki nongtrei jong ka GVK EMRI hapoh lama jong ka Ka Meghalaya EMRI Workers Union (MEMRIWU) kiba pynlong ïaka jingiakhih kaba khlam buh por ka la sngewdei ban ai ka jingkyrshan ia ki mat dawa namar ba ka mat jingdawa jong ki kalong kaba don nongrim.

Ka CoMSO ka dawa na ka sorkar ba kan khot ia kren ia kine kiba iakhih bad ka sorkar ka dei ban sngap ia ki mat dawa jong ki bad ban pynïoh ïaka hok jong ki nongtrei ka GVK EMRI da kaba ai ïaka increment bad ka arrear jong ki nongtrei bad kiwei kiwei mat jingdawa.

Kala donkam kyrkieh ban ia pynbeit ia kane ka kam namar ba lada ka jingiakhih ka dang slem, u paidbah un ïakynduh jingeh haka pang ka shitom.

Ka CoMSO kala pynpaw ba ka company GVK ka la leh bun kiei kiei ki kam ki bym lah ban pdiang kaba la ktah ïaki nongtrei, kumta ka sorkar ba ka dei ban thung da ka kynhun tohkit ka bym ia shah liang lane ban aiti cha CBI khnang ban lap ïaka jingshisha.

Ka CoMSO kala kyntu ruh ïaka sorkar  ba ka dei ban don ka jinggkitkhlieh ban peit ïaka emergency bad ambulance service ban iada ia ki jingim ki briew bad kam sngewiahap pat ba ia kane ka kam yn ai wai sha ki company namar ba bunsien ki company ki iakhun ban ïohnong, kumta kila dawa na ka sorkar ba ka dei ban shimti hi noh ban pyniaid ïaka emergency bad ambulance service  ban sangeh noh mardor ban ai wai ïa kane ka kam.