Ka Sorkar ka tip shai ba ki paidbah ki pyrshah rel, ngim donkam public hearing, ong ka HANM iaka Sorkar

Syllad | The Rising MeghalayaMarch 1, 2025

Ka HANM Jaintia Zone kala pynpaw ba ka Sorkar kala tip shai ba ki paidbah ki pyrshah iaka jingwan ka rel ha Rilum Jaintia, kam don jingmut iaka sorkar ban khot iaka public hearing ban sngew iaka sur u paidbah.

Ka HANM ha u kyrwoh lyngba u Pynshngain Papang president bad u Thomas Sutlong working president kila ong “Ngi pynpaw ka jingpynshah kaba jur ha dien ka jingiohi iaka jingkren jong u Myntri Sorkar u ma Kyrmen Shylla lyngba ki lad pathai khubor ba u ong ka shong haki nong Jaintia la ki pdiang ne kim pdiang.”

Kine ki nongialam kane ka HANM kila ong  “Ngi naka liang ka seng ngi kren da kaba shai ia u Myntri bad ka Sorkar ngim lah ban pdiang iaka lynti rel kat bym pat ioh iaki lad jing iada kiba skhem kum ka ILP bad ki wei ki lad jing iada. Ngim donkam iaka public hearing ne ka jingpynsngew paitbah namar ba naka liang jong phi kum ka Sorkar ruh phi tip shai ba ki paitbah kim lah ban pdiang da leilei ruh iaka jingwan ka lynti rel bad kawei ngi kwah baka Sorkar ka dei ban pynkynmaw iaka Sorkar Pdeng haka jingiadei bad ka ILP.”