Ka Sorkar kala dep pynkylla ïaka aiñ ha u snem 2021 ban pyntreikam pura ïaka Lokayukta, ong u CM Conrad

Syllad | The Rising MeghalayaFebruary 23, 2024

U Myntri Rangbah ka jylla u Conrad K Sangma haka 22 tarik u Rymphang ula ong ka sorkar ka la dep amend iaka aiñ ka Meghalaya Lokayukta Act ha u snem 2021 ba pyntreikam pura ïaka Lokayukta.

Ula ong ia kane haba jubab iaka resolution kaba la wanrah da u MLA ka liang pyrshah na ka VPP, u Bah Adelbert Nongrum, kaba la shah weng noh lyngba ka voice vote.

U Conrad u la ong ba ka Lokayukta kaba hap haka Meghalaya Lokayukta Act, 2014 khlem ka jingpynkylla ha u snem 2021 kan ym lah ban treikam namar ba ka donkam ban don ia u chairman bad saw ngut ki dkhot bad na kine sanphew percent ki dei ban long na judicial.

Lada thylli tang kawei ka kam kynthup ia ka post Chairperson lane member, ka Lokayukta kan ym lah ban treikam. Kumta dei ha u snem 2021 la pynkylla iaki ain bad ka Lokyukta ka la treikam, la ong u Myntri Rangbah.

U Myntri Rangbah ula ong ba iaka amendment Meghalaya Lokayukta Act 2014 la mynjur hapoh ka iingdorbar ha u snem 2021 da kaba pynkylla iaka section 3, da kaba pynkylla iaka ktien “and” shaka “or” haka clause (a) jong ka sub-section 2. Ia kane ka amendament la wanrah ban pynbeit iaki jingduna ka ain. Ula ong ba katkum ka Section 3 (2) ka ong ka Lokayukta ka lah ban treikam bad pyntyllun ki kamram tang lada Lokayukta ka don ia u chairperson bad saw ngut ki dkhot.

Shuh shuh u Myntri Rangbah u la ong ba kine ki jingpynkylla kala wan jia hadien bad u chairman barim ka Lokayukta Justice PK Musahary, Judge (Retd) Guwahati High Court ula shah ujor ha High Court of Meghalaya lyngba ka Writ Petition (C) No 421/2020. Ha katei ka por la thung tang ia u Chairman ka Lokayukta

Ka Division Bench jong ka High Court Meghalaya ha ka hukum dated 16 Rymphang, 2021 kala pan jingpynshai na ka sokrar, ka ong ba da kaba thung ïa u Judge ba la shongthait kum u Chairperson ka Meghalaya Lokayukta kam pat biang satia ki jingdonkam ba kan treikam pura tang lyngba ka section 3  jong ka Meghalaya Lokayukta Act, 2014.

Kumta ban thaw iaka Lokayukta kaba pura, khlem da amend iaka Meghalaya Lokayukta Act, 2014, ka mut ba ha baroh ki khep, dei ban don u chairman bad saw ngut ki dkhot bad 50% na ki kin dei ki dkhot ka tnad judicial.

U Myntri Rangbah u la ong ba ka sorkar kala khmih bniah ïa ka Lokayukta Act jong kiwei pat ki jylla bad lap ba ha kiwei pat ki jylla kum ha ka jylla Sikkim, Haryana, Jharkhand, Himachal Pradesh, Tripura  nalor kiwei kiwei, ka Lokayukta ka dei ka kynhun ba tang marwei.

Da kaba pynkylla ha u snem 2021 la pyntreikam iaka Lokayukta, khnang ban suk ha ka rukom treikam la kylla iaka kyntien “and” da ka ktien “or”.

Ula ong ruh ba ka High Court Meghalaya haba shim bishar halor kane ka mukotduma kala ong ba ka jingpynkylla iaka kyndon ka Meghalaya Lokayukta ym lah shuh ban niew iaka kum kabym treikam ha kane ka kynti.

Ha kajuh ka por, u Myntri Rangbah u la ong ba ka Meghalaya Lokayukta ka dei kaba la treikam pura, hapdeng ka jingdon u chairperson ba mynta uba la shimti ïa ka kam naduh ka 1 tarik u Rymphang, 2022. Shuh shuh, u secretary ka Lokayukta udei uba bat iaka kyrdan secretary jong ka sorkar jylla uba la thung da u chairperson da kaba rekomen ka ka sorkar jylla katkum ka section 10 (2) jong ka Act.

Kumjuh ruh, ka Inquiry wing jong ka Meghalaya Lokayukta ka dei kaba la thaw (constituted) hapoh ka section 11 jong ka Act ban khlieh da u Director of Inquiry uba ym dei ban long hapoh ka kyrdan additional secretary jong ka sorkar jylla.

La dep ban thung ruh ïa u Director of Prosecution. Ki ophisar jong ka tnad Inquiry Wing ruh la dep ban thaw.

Lah ban kdew ba hapoh katei ka Act, baroh kine ki jingthung ki dei kiba la thung da u chairperson jong ka Lokayukta katkum ka kyrteng ba la phah sha ka Lokayukta da ka sorkar jylla, la ong u Myntri Rangbah.

Baroh ki jingujor haka Lokayukta haduh mynta ki don 38 tylli napdeng kine 27 ki jingjia ki dei kiba la pyndep kynthup kiba la charge-sheeted. 11 tylli pat ki dei kiba dang sahteng ka jingtohkit.

U Myntri Rangbah ula ong “Kane ka pyni ba ka Lokayukta ka treikam katkum ka kyndon jong ka Act bad sa shisien Nga kwah ban pynshai ba ka jingpynkylla (amend) ha u 2021 ki dei na ka bynta ban pynkhlaiñ iaka jingtreikam jong ka Lokayukta.”

Baroh ki shlem bad ki tnad kiba la thaw hapoh ka Meghalaya Lokayukta Act, 2014 ki dei kiba la pynkylla na ka por sha ka por, kila biang bad ki nongtrei ki lah ban pdiang iaki jingujor hakhmat Meghalaya Lokayukta, la ong u Myntri Rangbah.

U la ong ruh ba u chairperson katkum ka kyndon hapoh ka section 28 (1) jong ka Act, u don iaka bor ban pyndonkam ka jingshakri jong uno uno u ophisar ne ka kynhun ne ka tnad tohkit jong ka sorkar jylla.