Ka sorkar MDA ka pah iaka khlam COVID-19 ong kiba phet na ka NPP

Syllad | The Rising MeghalayaMay 10, 2020

Kum ka dak ban pyrshah iaka sorkar Jylla kaba la ailad ban kit ia u dewiong na Assam sha East Jaiñtia Hills, ka kynhun jong ki MLA bad MDCs barim kila iehnoh kam bad jinglong dkhot na ka National People’s Party (NPP) haka sngi Saitjain.

Kine ki nongmihkhmat barim ki kynthup ïa u Justine Dkhar Ex-MLA, Violet Lyngdoh Ex-MDC, Joinriwell Pyrtuh Ex-MDC, Thomas Nongtdu Ex-MDC, Topas Lapasam na Khliehriat West, Burin Shadap na Dkhiah East, lasylloklang Lyngdoh na Rymbai, Leo Dkhar na Pamrakmai kila phah iaka shithi iehnoh kam jong ki ha State President of the NPP, Shillong.

“Ngi la rai ban phet noh na ka NPP namar ba kam beit ka rukom treikam ka party bad kam don jaka ruh ha kane ka seng ban pynsngew iaka jingeh u paidbah,” la pynpaw kine ki nongmhihkhmat barim bad ki heh saipan haka shithi.

“Ki paidbah kila kyrshan iaka sorkar ban iakhun pyrshah iaka khlam COVID-19, hynrei kane ka party kaba ialam iaka sorkar NPP pat ka kwah ban wanrah ne pah ia une u khniang virus lyngba ki nongniah trok bad ki nongbud da kaba ailad ban kit ia u dewiong na Assam kaba la tip kum ka Red Zone Area (Ka jaka kaba jyllei u khniang virus) sha East Jaiñtia Hills,” la ther tyngeh kine ki nongmihkhmat barim.

Ka NPP ka tip shai kdar baka East Jaintia ka dang byllai u mar pohkhyndew dewiong bad mawshun ban shalan ne pyndap pynbiang iaka jingdonkam ki kharkhana dewbilat, hynrei kane ka sorkar kaba ialam ka party NPP kala leh kuman bad leh matlah iaka jingshisha,” la ong kine ki nongmihkhmat haka shithi iehnohkam.