Ka SSR 2021 ha East Jaintia Hills, ka lad ban pynrung kyrteng bad transfer vote

Syllad | The Rising MeghalayaNovember 18, 2020

U Deputy Commissioner (Election), East Jaintia Hills District ula pynbna paidbah ba ka Election Commission ka la rai ban pynlong ia ka Special Summary Revision (SSR) 2021 hapoh ka District ha baroh ki Polling Station bad kane ka la sdang naduh ka 16 tarik u November, 2020 bad kan dang iai bteng haduh ka 15 tarik u December, 2020.

Ha ka ba iadei bad kane, uno uno u briew ne ka briew ki ba la dap 18 snem ka rta, ki lah ban pynrung kyrteng ha ka Electoral Roll da ka ba pyndap ha ka form-6 lyngba ka nvsp.nic.in lane iakynduh ia ki Booth Level Officers (BLO) lane CSC centre.

Kiwei kiwei de ki kam ki ba kynthup ha kane ka Special Summary Revision 2021 ki long ban weng iaki kyrteng jong kino kino ki briew kiba la phet shnong bad ki ba iap hapoh ka shnong jong ki ha kane ka por lyngba ki jingujor ha ka form-7 lyngba ka nvsp.in lane iakynduh ia ki Booth Level Officers (BLO) lane CSC centre.

Shuh Shuh, ban pynbeit iaki jingbakla kum ka Kyrteng, Jait, Snem bad kiwei kiwei ki paidbah ki dei ban apply ha ka form- 8 lyngba ka nvsp.in lane ia kynduh ia ki BLO lane CSC centre. Ki paidbah ki lah ruh ban transfer iaki kyrteng hapoh ka Constituency da ka ba apply ha ka form- 8 A lyngba ka nvsp.in lane iakynduh ia ki Booth Level Officers (BLO) lane CSC centre.

La pyntip ruh sha ki paidbah ba ka Ophis jong u Deputy Commissioner (Election), East Jaintia Hills District kan sa phah ia U/ Ka Booth Level Officer (BLOs) ban wan sha ka shnong jong ki na ka bynta kane ka kam.

La kyrpad ia ki waheh shnong ban kin sngewbha ban pynbna paidbah ia kane ka kam bad ban iarap ia ki Booth Level Officers (BLOs) haba ki wan sha ki Polling Station jong ki na ka bynta kane ka kam.