Ka St Anthony’s BBS College haka kyrdan ba nyngkong HSSLC eksam, paw ka North Liberty HSS bad KJP Synod Mihngi HSS na West Jaiñtia

Syllad | The Rising MeghalayaMay 8, 2019

SHILLONG: Ka St Anthony’s Higher Secondary School, Shillong bad ka BBS College, Shillong kila wan haka kyrdan kaba nyngkong haka resol Higher Secondary School Leaving Certificate (HSSLC) kaba la pynbna da ka Meghalaya Board of School Education (MBOSE) haka science bad commerce streams haka sngi Balang.

Ka Debjanee Bhattacharjee jong ka St Anthony’s Higher Secondary School kala wan haka kyrdan kaba nyngong eh haka science stream bad u Bhanudaya Upadhaya jong ka BBS College haka commerce stream.

Na West Jaiñtia Hills District, ka North Liberty HSS bad ka KJP Synod Mihngi HSS kila ïoh ban buh jaka ialade haka kyrdan first ten position haka HSSLC Science. Ka North Liberty HSS kala wan haka kyrdan balai bad ba phra bad ka KJP Synod Mihngi HSS haka kyrdan ba hynnriew.

U Berennice Anerict Tang jong ka North Liberty Hr Sec School, Jowai uba sah Dongmihsngi Ladthadlaboh, Jowai ula wan haka kyrdan ba lai bad u Kamphereiei Pala (North Liberty Hr Sec School, Jowai)  uba na Moolamylliang, East Jaiñtia Hills District ula wan haka kyrdan ba phra.

Haka kyrdan ba hynriew la ioh da u Khroo Meda Dkhar na ka skul KJP Synod Mihngi Hr Sec School, Jowai uba shong ba sah ha Chilliangraij, Jowai.