Ka Thadmynri na Moodop Umladang haka thup ki jaka thep vote ba ma

Syllad | The Rising MeghalayaFebruary 18, 2025

Katkum ka shithi kaba la phah u nongialam ka Voice of the People Party (VPP), ka shnong Thadmynri na ka Moodop Umladang Constituency ka hap haka thup ki jaka thep vote ba don jingma ne sensitive kiba la ban mih ka jingleh thok ban ioh vote.

Kane ka constituency ka dei ka jingiakhun para marwei ki kyrtong sha ka elkshon MDC ka JHADC. Ki kyrtong ki kynthup ia u CEM ma Thombor Shiwat na ka NPP bad u Shanbor Rymbai na ka VPP.

Lah ban pynkynmaw ba ka Voice of the People Party (VPP) kala dawa naki District Election Officer, ka East Jaintia Hills bad West Jaintia Hills ban pynkhlain ia ka iaki bor pahara ha ki 67 tylli ki jaka thep vote ne polling station kiba don jingma bad kiba kham jur ka jingdon jingma ha ki 17 tylli ki constituency ha Rilum Jaintia ki ban leit sha ka elekshon Jaintia Hills Autonomous District Council (JHADC) ka ban long ha ka 21 tarik Rymphang.

Ka shithi ba la phah sha ki District Election Officers (DEOs) jong ka East Jaintia Hills bad West Jaintia Hills District, u General Secretary ka VPP bad MP ka Shillong u Dr Ricky AJ Syngkon u la ong, “Katkum ki jingtip ba nga la ioh pdiang ki polling station bad ki constituency jong ki kiba la pynpaw hangne la shim ba ki dei kiba don jingma.”

“Na ka bynta ka jingiaid beit ha ka jingpynlong ia ka elekshon kaba dei ka bynta kaba kongsan na ka bynta ka synshar paidbah kaba lah ban treikam bha, nga kyntu ia phi ban pynbiang ia ki bor pahara khnang ban khanglad ia kino kino ki jingpyrshang ban pynthut ia ka jingiaid beit ha ka jingpynlong ia ka jingiathep vote kaba khuid da ki paidbah nongthep vote bad ban khanglad ia kino kino ki jingpyrshang leh thok ne ki kam leh donbor kiba lah ban pynthut ia kane ka jingjied ia ki nongmihkhmat,” u la ong.