Ka TMC kam da sngew donkam ban iakhun ia ka elekshon MDC, ong u Dr Mukul

Syllad | The Rising MeghalayaFebruary 7, 2025

U nongialam ka Trinamool Congress (TMC) u Dr Mukul Sangma ha ka 6 tarik Rymphang u la ong ba kam da long kaba donkam ia ka party jong u ban iakhun ha kane ka elekshon sha ki artylli ki Autonomous District Council (ADC) ha Rilum Khasi bad Jaintia ka ban long ha ka 21 tarik Rymphang.

“Ngi la shim ia ka rai da ka jingsngewthuh ba kam long kaba donkam ia ngi ban iakhun man la ki elekshon khamtam ha kaba iadei bad ki elekshon sha ki District Council,” ong u Mukul haba kren sha ki lad pathai khubor haba kdew ia ka rai jong ka party ban ym iakhun ha ki elekshon ADC.

U Mukul uba dei ruh u nongialam ka liang pyrshah ha ka iingdorbar thawain ka Jylla u la ong ruh ba ka party ka sngewthuh la ka jong ka bor kumta kam kwah ban iakhun ia kane ka elekshon namar kam pat lah ban suhthied bha hapoh ka jylla.