Ka UDP ka dei ka Rongser haka Sorkar MDA

Syllad | The Rising MeghalayaFebruary 8, 2019

JOWAI:  U kyrtong ba pura jong ka UDP Eleazer Christopher Dkhar na Mowkaiaw uba la kynran dien ban mih madan ban ïakhun elekshon wat hadien ka jingïaid lynti kaba la shi snem eiei, ula pan map na ki paidbah nongkyrshan jong u.

U Eleazer la lum da ka jingïalang ha ka shnong Mukhap haka miet Balang. La ïadonlang u kyrtong ryngkang dieng kper u Winning Garland Sungoh uba pynïasoh sha ka UDP naka Congress marsien weng ïa u Eleazer Christopher Dkhar na ka jingïakhun elekshon na ka Mowkaiaw, U MLA ka Mowkaiaw bad ki paidbah nongkyrshan ka UDP.

“Kam don kano kano ka daw ba nga weng naka jingiakhun elekshon. Nga sngewthuh ba phi (nongkyrshan) phylla ïaka jingkynran dien jong nga naka jingkhun elekshon, hynrei ka daw ka dei naka bynta ban wanrah ka jingiatylli ha ka thaiñ Le Mow (Mowkaiaw, Mukhap bad Mowtyrshiah), la ong u Eleazer Christopher Dkhar bad kop lada u iakhun ruh un poi sha ka thong, hynrei namar ba u kwah ban iatylli ka Le Mow ula randien noh.

“Nga Kyrmen kane ka rai jong nga, ka long kaba bha tam ïaka Party UDP bad nga khot iaphi baroh ki Nongkyrshan jong nga ban ïa kyrshan Winning Sungoh kum u kyrtong UDP”, la ong u Eleazer Christopher Dkhar bad ula ong ruh “Haka Sorkar MDA ym lah ban len ba ka party UDP ka dei ka Rongser, khlem ka UDP ym lah ban thaw ïaka Sorkar MDA”. Bad ula ong shuh shuh baka UDP kan jop bun.

U MLA ka thain u bah Nujorki Sungoh, ula ai ka jingiaroh sha ïa Eleazer C Dkhar bad ula kyntu iaki paidbah ba kim dei ban sngew phylla ia kane ka rai jong u Eleazer Dkhar bad kynnoh kynta ia u, u dei u rishot ka party ha kane ka thaiñ.

U Winning ula ong ba un iatreilang bad ka party UDP badu MLA ban pynpoi iaki kam pynroi ha ka thain baroh kawei. “Ngin iatreilang ban pynkhlain ïaka UDP ha Mowkiaw”, la ong u Winning u kyrtong ryngkang dieng kper.