Ka VPP kan ym jop wat tang shi seat ha ka Election MDC: Ymbon

Syllad | The Rising MeghalayaOctober 21, 2023

U nongialam ka Seng National People’s Party (NPP) uba dei ruh u Myntri ka Sorkar Jylla, u Bah Comingone Ymbon haka sngi Thohdieng, u la ong ba ka Seng Voice of the People Party (VPP) kan ym jop wat tang kawei ruh ka seat ha kane ka ileskhon ka ban wan sha ka Khasi Hills Autonomous District Council (KHADC) bad Jaintia Hills Autonomous District Council (JHADC).

Haba kren sha ki lad pathai khubor, u Ymbon u la ong; “Nga la iohi ba ki (VPP) kin ym jop wat tang kawei ruh ka seat na Khasi bad Jaintia Hills.

 “Ka daw Nga tharai phi tip kham bha ban ia nga. Nga la sakhi lyngba ki lad pathai khubor ba phi long pyrshah ia ka VPP bad ki paidbah ruh ki long pyrshah ia kane ka party VPP,” u la ong shuh shuh.

Nalor kata u Ymbon u la pynpaw ruh ia ka jingsngew skhem ba ka NPP kan wanphai biang ha ka bor ha Khasi bad Jaintia Hills hadien ka ilekshon sha ki ADC ka ban long ha une u snem u ban wan.

U la ong ruh ba ka NPP kam kan ym iakhun pyrshah ia ka VPP hynrei pyrshah ia ka UDP, Congress bad BJP ha kane ka ilekshon ka ban wan.

 “Hynrei ia mynta hi Nga la iohi ba ki paidbah ka jylla ki la ai ia ka rai sha ka NPP kaba ialam ia ka sorkar MDA, bad Nga tharai ha kane ka kynti kaba mynta ruh ka NPP kan wanphai biang ha ka ilekshon MDC,” ong u Ymbon.