Ka West Jaintia Hills bad ka Ri Bhoi ki bun eh ki skul ba iashimbynta haka WNTD

Syllad | The Rising MeghalayaJune 2, 2022

Ka West Jaintia Hills District bad Ri Bhoi District ki dei ki ar tylli ki district kiba bun eh ki skul kiba iashimbynta haka prokram World No Tobacco Day (WNTD). Kine ki ar tylli ki district kila lah ban pynlong iaka rally bad ka signature campaign ban iakhun pyrshah ia u duma kaba la long naduh u bnai Iaiong 14 tarik haduh 20 tarik Jymmang jong une u snem.

Ka West Jaintia Hills District bad Ri Bhoi District, ka jingiashimbynta ki skul kala kynjoh haduh 60 percent haka district level, katba haka block level ka Bhoirymbong, Mawryngkneng bad ka Pynursla ka jingiashimbynta ki skul kala kynjoh haduh 80 percent.

Kine ki district bad ki block kila ioh iaka khusnam bad kila shah pynkup burom ruh iaki halor ka jingkyrshan ban pyntreikam iaka Tobacco Free Education Institution (ToFEI).

Mynta u kynti ka phang pdeng jong ka World No Tobacco Day, ka long “Tobacco – Threat to our Environment”.

Haduh 8405 tylli ki skul ha Jylla kila shimbynta ha kane ka jingiakhun pyrshah ia u duma uba pynsniew iaka sawdong sawkun ka mariang kumjuh iaka koit ka khiah u briew.

La pynlong ia kane ka jingiakhun pyrshah ia u duma da ka jingiatreilang ka ka tnad ka koit ka khiah, ka tnad pule puthi bad ka Sambandh Health Foundation.

Ia ki khusnam sha ki skul la sam haka jingpynkut iaka jingrakhe WNTD haka 31 tarik Jymmang ha State Convention Centre, Shillong. Iaka prokram la pynlong da ka National Health Mission, Meghalaya haka jingiatreilang ka Education Department bad ka Samagra Shiksha.

U kongsan ba iadonlang u dei u DP Wahlang, IAS Addl. Chief Secretary haka jingiadonlang u Ram Kumar S, IAS Additional Secretary, Health & Family Welfare Department & Mission Director Health Mission, Meghalaya, Dr. H Lyndem Director of Health Services (MCH&FW) & Jt. MD-NHM, Dr. Lana E Lyngdoh Nongbri, Sr. Dental Surgeon, SNO National Tobacco Control Programme (NTCP) nalor kiwei kiwei.

Kine harum ki dei ki skul kiba jop haka Rally bad ka Signature Campaign bad ka jingkyrshan ban pynduh pyndam iaka jingduh duma ha ki skul

Primary MAWKHAR PRESBYTERIAN ENGLISH SCHOOL
West Khasi Hills – Mairang Block

Upper primary MADANKHLIEHRIAT PRESBYTERIAN UPS MOWKAIAW
West Jaintia Hills – Laskein Block

Secondary MOTHER ANGELES SECONDARY SCHOOL
West Garo Hills – Tura Urban Area

Higher Secondary NONGLANG HIGHER SECONDARY SCHOOL
West Khasi Hills – Mawshynrut Block

Special School
SCH & CENTRE-HEARING-HANDICAP LPS and MARY RICE CENTRE FOR SPL. EDU.SSA LP SCHOOL.