Kam don jingshisha eiei halor ka khubor jingshalan tuh dewiong: Chief Minister
JOWAI: U Chief Minister jong ka Meghalaya, u Conrad K Sangma ula kyntait mardor iaka kynnoh shalan tuh ia u dewiong ha Jylla bad ula ong ba kam don shisha eiei halor katei ka kam.
Haba iakren bad ki lad pathai khubor hadien bala wai ka jingialang Cabinet ha ka ophis Soil and Water Conservation, Mih Myntdu, Jowai mynta ka sngi, u Conrad ula ong ba ka sorkar ka la ai ka jingbthah kaba tyngeh iaka tnat pulit bad ia kiwei ki tnat ban khanglad iaka jingshalan tuh ia u dewiong.
![](https://www.syllad.com/wp-content/uploads/2024/09/JIT-Vacancy-823x1024.avif)
Halor ka jingbitar jong ki paidbah ia u Home Minister u James K Sangma ia ka jingbym lah jong u ban teh lakam ia ka jingshalan tuh ia u dewiong, u Chief Minister ula ong ba kadei ka jingsngew jong ki briew ba um don bor halor ka jingsngew jong ki.
Ula iada pat ia la u hynmen da kaba ong ba ka tnat Home ka la leh iaka kam ba bha ban teh lakam iaka Artylli ki jinghuri hura ha Shillong khlem da don kano kano ka jingduh jingim briew.
Leave a Reply