Kam ka FKJGP ba thong pisa u bar jylla ba die jingbam ba la kut por ha Ladrymbai

Syllad | The Rising MeghalayaFebruary 26, 2022

Ka FKJGP Khliehriat Circle kala kam ba uwei u bar jylla uba die dukan ha Ladrymbai Dongwah, uba die ia ki jingbam bala kut ka por (expiry) ula thong da ka pisa ia ki nongialam ka FKJGP ban nym ujor pyrshah ia u hadien ba kala lap ia ki kam beaiñ jong u pylleiñ pylleiñ.

Ka FKJGP kala kam ba kala ioh jingujor na kawei ka longkmie halor ka jingdie une u bar jylla ia ki jingbam khynnah kiba la kut por. Kumta mar mar ki nongialam ka FKJGP kiba kynthup ia u Michal Chyrmang bad Wanky Lyngdoh kila hiar sha katei ka dukan ban khynra bad kila lap ia ki mar bam kiba la kut por.

Mar mar ka kine ki nongialam ka FKJGP hadien ba kila lap ia kane kila pyntip sha u Food Safety Officer, uba la wan hiar bad kurup ia kitei ki mar bam bad pyndep iaka jingdonkam.

Pule | Shah khang san tylli ki karkhana ba khleh dawai iaki Ice Cream ha East Jaintia Hills

Pynban ka FKJGP kala kam ba une u bar jylla ula pyrshang ban thong pisa iaki nongialam bad ban pynkut ia kane ka kam bad sngap jar jar.

Ka FKJGP kala maham iaki nongdie jingdie ba kim dei ban lalot ban kamai spah bad die iaki jingbam kiba la kut por namar b aka lah ban ktah iaka koit ka khiah u briew. Kala kyntu ruh iaka ophis u Food Safety ban jurip iaki dukan die marbam khnang ba kin nyn ioh lad ban shim kabu ia ki nongthied nongpet kiba duna ka jingnang jingtip ban peit iaki jingthoh haki mar bam.