Kam ka Foundation MLA Khliehriat ba ai scholarship ia u nongialehkai Archery, kyntait mardor u samla

Syllad | The Rising MeghalayaMay 15, 2022

U samla Phermiki Salahe uba na ka shnong Dkhiah West, Khliehriat, East Jaintia Hills ula kyntait mardor iaka jingkam ka Kyrmen Foundation ba ka ai iarap scholarship ban kilan bad ban thied iaki tiar ialehkai ba un ioh biang ka lad ban bteng iaka jingialehkai.

Kane ka Kyrmen Foundation ka dei kaba la seng da u MLA Khliehriat uba long ruh u myntri sorkar u ma Kyrmen Shylla. U Kyrmen Shylla ula post ha facebook ba ka Kyrmen Foundation kala mih shakhmat ban iarap ia u Phermiki Salahe, uba la thmu ban sangeh noh ban ialehkai na ka jingduh jingkyrduh.

La kam ba ka Kyrmen Foundation kala mih shakhmat ban iarap thied tiar thied tar ban kilan ban iashimbynta haka Meghalaya Games, pynban na ka kaliang u Phermiki Salahe ula mih shakhmat ban kyntait mardor ia kane ka jingkam kane ka foundation u MLA Khliehriat namar naduh ba sdang ka kam ialehkai, ki dei kiba haiing hasem jong u kiba kyrshan ban ialehkai siat Khnam la ha jylla ne shabar ka jylla.

U Phermiki dangshen ruh ula iashimbynta haka Meghalaya Games bad ula khur ruh ar tylli ki takma ksiar haka Compound bad ka Ranking.