Kawang petrol bom ki runar bym lah ithuh ia ka iing ha Jhalupara
Ki runar ki bym lah satia ban ithuh haka 25 tarik Naitung ki la leit ban kawang petrol bom bad ther maw ia kawei ka iing ha ka hain Jhalupara, Shillong.
U Superintendent of Police ka East Khasi Hills u Bah Sylvester Nongtnger ula pyntip ba ka trai jong katei ka iing kaba la ngat ha ka jingshah thombor ka dei kaba la tip kyrteng kum ka Kong Julie Lyngdoh kaba shong ba sah ha Wahingdoh. La ong ruh ba ki nongshongwai hapoh kane ka iing ki dei ki bar jylla, kata kaba kynthup ia ki Nepali bad Bengali. La ong ruh ba ki don haduh kumba 20 tylli ki longiing kiba shong ba sah hapoh kane ka iing.
![](https://www.syllad.com/wp-content/uploads/2024/09/JIT-Vacancy-823x1024.avif)
Na ka liang u SP u la ong ba kine ki runar kila wan mih na kawei ka jaka khlaw kaba don marjan hashwa ba kin leh ia kane ka kam pyntriem. Hynrei u la ong pat ba kam shym la don satia kano kano ka jingjulor ne ka jingmynsaw.
Shuh shuh u la ong ruh ba na ka liang ki pulit ki la rejistar case halor kane ka jingjia bad ka jingtohkit ka la iaid shakhmat.
Leave a Reply