Kawang petrol bom ki runar ia u motdur u JN Bawri ha Dhankheti, Shillong

Syllad | The Rising MeghalayaAugust 11, 2024

Ki riew runar bym lah ban ithuh ha ka step 11 tarik ki la kawang petrol bom ia u motdur jong u JN Bawri uba don hajan Bawri Mansion ha Dhakheti Shillong.

Katkum ka khubor pulit la ong ba kane ka jingjia ka la jia ha ka por 4 baje mynstep. Hadien kane la ong ba kine ki runar ki la ther maw ruh ia ka ATM booth kaba don ha kane ka jaka.

Hadien ba la ioh ia kane ka jingjia ki bor pulit napoh Laitumkhrah PS ki la wan poi mardor ha kane ka jaka bad pynlong ia ka jingtohkit ha ryngkat ka kynhun forensic.

Mynta na ka liang ki pulit ki dang lum ia ki sakhi satar lyngba ki CCTV khnang ban ithuh bad ban ioh kem ia kine ki runar kiba donkti ha kane ka kam pyntriem.