Kem ïa u wei halor ka jingïap ka longkmie kaba lap lyngkhuid ha Jowai

Syllad | The Rising MeghalayaApril 5, 2021

Uwei u briew uba kyrteng u Rynsan Pde, ula shah kem noh ha ki pulit jong ka Jowai Police Station halor ka jingïap ka longkmie kaba la lap shiteng lyngkhuid na Chahtngit Jowai.

Ka khubor kaba ïohlum une u Rynsan Pde ula pyrshang ban burieh ïaka jingjia hadien bala hap ka kali maruti swift shariat kaba don u number ML04 B 6007. Ula tan ïaka kali khlem pyntip sha ki pulit, katba iaka metiap kane ka longkmie ula shu iehnoh ha katei ka jaka ba jia ka jinghap kali.

La kynnoh ba une u trai ka kali, u la pyrshang ban burieh iaka jingjia bad hadien ba ula dep ban tan ïaka kali ula burieh iaka kali.

Dei hadien ba la lap iaka metiap katei ka longkmie ki Pulit kiba wad bniah iaka jingjia kila lap ksai ba don ka jinghap kali ha katei ka jaka bad kila sdang ban budien bad lap ia u trai ka kali. Ki Pulit kila ioh jingtip ia kane ka jingjia haduh 9:30 Am haka sngi U Blei (4/04/21) ha kaba ka jingjia hap kali kala jia naduh ka por kumba 12 baje eiei shiteng synïa.

Hap ka kali sha riat, lap metïap kynthei ba lyngkhuid ha Jowai

Ka khubor ka ïathuh shuh shuh ba une u Rynsan bad katei ka longkmie ki dei ka jingiadei kaba jan bad baroh ar ngut ki dei kiba iadon khun don kti.

Ki Pulit ka Jowai halor kane ka jingjia kila pyntip sha ka Crime Scene Unit, Shillong kiba la wan naduh hynnin ka Sngi U Blei bad ka jingtohkit halor kane ka jingjia kala iaid shakhmat bad la kurup ruh ia kane ka kali maruti swift.