Kem ka Wildlife uwei u nongsiat mrad bad kurup ka doh Rynjang

Syllad | The Rising MeghalayaNovember 24, 2019

JOWAI: U Range Officer jong ka Umkiang Wildlife Range bad ka kynhun jong u kila ïoh kem ïa uwei u briew bad ïoh kurup 20 Kilo ka doh Rynjang (Serow) na ka met jong u kaba la dep ot dkut na Khlaw Narpuh Wildlife Sanctuary.

Ïa une u briew la tip kyrteng kum Laditsak Lungtau uba na ka shnong Khaddum, East Jaiñtia Hills District.

Ka Wildlife hadien ba kala ïoh jingtip ba ki dang don ki briew kiba bteng ban siat mrad ha khlaw Narpuh, u Range Officer bad ka kynhun jong u kila iaid pahara ha katei ka khlaw naudh ka 19 tarik une u Naiwieng bad haka 22 tarik haka por 8 baje mynstep kila ïoh kem ïa une u Laditsak katba u dang kit ïa katei ka doh.

Mar mar la ïalam ïa u Laditsak  sha Khliehriat Range Office bad haka jingtohkit u Laditsak Lungtau ula phla katei ka doh kaba u kit kadei jong u mrad khlaw u Rynjang. Ula siat iap ïa une u Rynjang haka 21 Naiwieng haka por kumba 3 baje nohphaisngi.

Ka tnad Wildlife kala pyngngat ïa u ne u Laditsak Lungtau hapoh ka kyndon aiñ jong ka Wildlife (Protection) Act 1972 bad ka ïingbishar jong u First Class Magistrate ha Khliehriat kala set ïa u hapoh Judicial Custody bad ka jingtian bishar ïa u kala ïaid shakhmat.