Kem ki BSF 3 ngut ki nong Bangladesh ba wan rung tuh sha khappud ka EKH

Syllad | The Rising MeghalayaMarch 2, 2025

Ki shipai Border Security Force (BSF) na ka 4th Bn ka Meghalaya ha ka 1 tarik Lber ki la ioh ban kem noh ia lai ngut ki nong Bangladesh bad uwei u nong India uba dei u nongniah jong ka kali katba ki dang wan rung tuh sha ki bynta khappud ka East Khasi Hills District.

Hadien ba la ioh ia ka jingtip kaba bniah, ki shipai BSF ki la ioh ban bat noh ia kawei ka kali Swift Dzire ba la niah da u trai shnong na ki bynta khappud ha ka thain Umsyiem kaba lam sha ka jingioh kem noh ia kine ki nong Bangladesh. Kine ki briew kiba la shah kem noh ki dei ki nongshong shnong ka nongbah Dhaka bad kiba la pyrshang ban wan rung beain sha India.

Hadien ia kine ki briew kynthup ia u draibar bad ka kali ba la ioh kurup la aiti noh sha ki bor pulit ka Pynursla Police Station na ka bynta ban leh iaki jingdonkam jong ka aiñ

Na ka liang ki shipai BSF ki dang iai bteng ban long kiba husiar bad peitngor ha shilynter ki jaka khappud jong ka ri khnang ban pynthikna ia ka jingshngain bad ban khanglad ia ki kam beain lyngba ki jaka khappud.