Kem ki BSF ia 2 ngut ki nong India ryngkat ki mar ba thmu khaii tuh sha Bangladesh

Syllad | The Rising MeghalayaMarch 21, 2025

Ki shipai Border Security Force (BSF) ka Meghalaya ha ryngkat ka jingiatreilang bad ki bor pulit ki la pynlong ia ka jingkhynra bad ioh ban kem noh ia arngut ki nong India bad kurup noh ia ka kali Tata Sumo kaba ki la pyndonkam najan ki bynta khappud jong ka ri na ki bynta jong ka East Khasi Hilla District

Hadien ba la ioh ia ka jingtip kaba thikna, ki shipai BSF na ka 110 Battalion ryngkat ki bor pulit ki la pynlong ka jingpynap shrip bad ioh ban bat noh ia ka kali ha ka lynti surok ha Ichamati bad ioh bat noh ia ki arngut ki nong India kumjuh ia ka kali kaba kit ia shibun bah ki tiar na ki jaka khappud jong ka ri.

Kine ki briew la iathuh ba ki dang pyrshang ban leh ia ki kam khaii tuh lyngba ki jaka khappud. Ha ka jingtohkit u nongniah jong kane ka kali um shym la lah ban pynshisha ne don ia ki kot ki sla kiba biang ha kaba iadei bad ka jingpynkit ia kine ki mar.

Hadien ia kine ki briew kumjuh ia ka kali ba la ioh kurup la aiti noh sha ka ophis ka Tnad Custom ha Shella ban leh shuh shuh ia kaba donkam katkum ka ain.

Kane ka jingkhynra kaba jop da ki bor shipai ka pyni ruh ia ka jingkut jingmut jong ka tnad shipai BSF ryngkat ki bor pulit ka thain ban tehlakam ia ki kam bymman ha lynter ki jaka khappud jong ka ri.