Kem ki BSF ia 2 ngut ki nong Khanduli ryngkat ki mar ba palat 70 lak

Syllad | The Rising MeghalayaAugust 23, 2024

Ki shipai Border Security Force (BSF) ka Meghalaya ha ka 22 tarik Nailar ki la lah ban pynpulom noh ia ka kam khaii beain da kaba ioh ban kem noh ia arngut ki briew kiba dei ki nongshong shnong ka Khanduli na ki bynta khappud ka West Jaintia Hills.

Ha ka jingkhynra ki BSF ki la ioh ban kem ia kine ki arngut ki briew ha ryngkat kawei ka kali Mahindra pickup kaba kit ia shibun bah ki mar ki mata beain kiba shongdor haduh kumba T.70,11,960 na ki bynta jong ka shnong Pongtung ia kiba la thmu ban shalan beain shapoh Bangladesh.

Hadien ia kine ki briew bad ia ki mar ba la ioh kurup la aiti noh sha ka tnad Custom ha Pynursla, East Khasi Hills ban leh shuh shuh ia kaba donkam.