Kem ki BSF ia 4 ngut ki nong Bangladesh, 3 ki nongialam lynti na khappud EKH

Syllad | The Rising MeghalayaJanuary 14, 2025

Hadien ba la ioh ia ka jingtip kaba thikna, ki shipai Border Security Force (BSF) ka Meghalaya na ka 4th Battalion ki la ioh ban kem noh ia sawngut ki nong Bangladesh bad laingut ki nong India kiba trei kum ki nongialam lynti najan ki bynta khappud jong ka ri na East Khasi Hills District.

Kine ki sawngut ki nong Bangladesh ki dang pyrshang ban jam beain sha u pud u sam ka India hadien ba la lap noh ia ki da ki shipai BSF.

Ha ka jingtohkit la shem ba kine ki briew ki don ia ka jingthmu ban wan shong wan sah sha India bad ki la pan ruh ia ka jingiarap lem jong ki laingut ki nong India ba kin iarap ia kane ka jingwan rungtuh ka jong ki sha u pud u sam jong ka ri.

Hadien kane la aiti noh ia baroh kine ki briew kiba la shah kem sha Police Station ha Dawki na ka bynta ban leh shuh shuh ia kaba donkam.

Na ka liang ki BSF ki la bteng ban pynkhlain ia ki lad jingiada ha ki thain khappud khnang ban khanglad ia ki kam beain lyngba ki jaka khappud kaba kynthup ia ki kam wan rungtuh bad ki kam khaii beain.

Ki ophisar JHADC kiba im pahuh pahai, iaid sahuh ki trok dewiong bad masi naka 2500-5500; kynthoh u CEM barim Madonbai Rymbai