Kem ki BSF ia arngut ha ryngkat 3000 kilo ka Shini ba thmu khaii sha Bangladesh

Syllad | The Rising MeghalayaAugust 23, 2023

Ki shipai Border Security Force (BSF) ka 43 Bn Meghalaya haka 22 tarik mynta u bnai  ha ryngkat ka jingiatreilang bad ki bor pulit ka jylla ki la ioh ban kem noh ia arngut ki briew ha ryngkat ka kali kaba kit haduh 3000 kilo ka Shini ia kaba la thmu ban khaii beain shapoh Bangladesh lyngba ki jaka khappud ka South Garo Hills.

Kane ka kali ka la iaid beit beit shak i bynta khappud jong ka ri hadien ba ka la shah bat noh ha ki bor shipai BSF ha ryngkat ki bor pulit ka Baghmara hadien ba ki la ioh ban kurup ia kane ka shini.

Ha ka jingtohkit, baroh kine ki arngut ki briew kiba la shah kem noh ki la phla ba ki dei ki nongshong shnong ka Baghmara bad ba ki la pynkit ruh ia kane ka shini na kane ka jaka hapoh kane ka kali Bolero Pickup.

Hadien ia kine ki nongkhaii beain kumjuh ia ka mar ba la ioh kurup kynthup ia ka kali la aiti noh sha ki bor pulit ka Bhaghmara Police Station na ka bynta ban leh shuh shuh ia kaba donkam.