Kem ki BSF ia u nong Bangladesh ba ju iarap ha ki kam pynrung tuh na khappud

Syllad | The Rising MeghalayaApril 8, 2025

Ki shipai Border Security Force (BSF) Meghalaya ha ka 6 tarik Iaiong ki la ioh ban kem ia uwei u nong Bangladesh uba ju iarap ha ki kam pynrungtuh lyngba ki jaka khappud na ka thain Dawki, East Khasi Hills.

Hadien ba la ioh ia ka jingtip kaba thikna lyngba ki tnad syntiat ki shipai BSF na ka 4th Battalion kiba don hajan ka thain Dawki ki la pynlong ka jingkhmih bniah ha ki bynta jong ka thain bad lapdien ia une u briew uba ki i shankhmat ha kine ki bynta khappud.

Une u briew mar ia iohi ia ki bor shipai u la pyrshang ban kiar na ki shipai da kaba thmu ban kam sha shiliang khappud hadien ki shipai ki la ioh ban bat noh ia u.

Ha ka jingtohkit, une u briew u la phla ba u dei u nong Bangladesh uba la tip kyrteng kum u Md. Ibrahim uba dei napoh Sylhet district. U la phla ruh halor ka jingdonkti ha ki kam pynrung tuh bad ki kam khaii tuh lyngba ki jaka khappud.

Hadien ia une u briew la aiti noh sha ki bor pulit ha Dawki Police Station na ka bynta ban pynlong shuh shuh ia ka jingtohkit bad ban leh ia kaba donkam katkum ka ain.