Kem ki BSF ia u nong Bangladesh ba thmu phrung tuh sha India

Syllad | The Rising MeghalayaOctober 11, 2024

Ki shipai Border Security Force (BSF) ka Meghalaya ha ka 10 tarik u Risaw ki la ioh ban kem ia uwei u nong Bangladesh na jan ki bynta khappud jong ka ri na West Garo Hills District.

Hadien ba la ioh ia ka jingtip kaba bniah, ki shipai BSF na ka 100 Bn ki la ioh ban kem noh ia une u nong Bangladesh uba kyrteng u Md Rabibul Islam Robin uba dei na Sherpur district ka Bangladesh.

Ia une u briew la ioh ban kem noh katba u dang pyrshang ban wan rungtuh sha India lyngba ki jaka khappud.

Ki shipai ki la aiti noh ia une u briew sha ki bor pulit hapoh Dalu Police Station ban  pynlong shuh shuh ia ka jingtohkit.