Kem ki BSF ia u nongkhaii beain na Bangladesh ha ryngkat ka shini na khappud EKH

Syllad | The Rising MeghalayaOctober 16, 2024

Ki shipai Border Security Force (BSF) ka Meghalaya kiba don ha ki bynta khappud ka East Khasi Hills, ha ka 15 tarik u Risaw ki la ioh ban kem noh ia uwei u nongkhaii beain napoh Bangladesh uba donkti ha ki kam khaii shini shapoh Bangladesh.

Ki shipai BSF na ka 4th Battalion kiba don hapdeng ka jingpeitngor ki la sakhi ia ka leit ka wan kaba i suba ha ki bynta khappud jong ka ri hapdeng ki katto katne ngut ki nongkhaii beain napoh Bangladesh kiba kit ryngkat ki jingkit.

Hadien ka jingpynap shrip ki BSF ki la ioh ban kem noh ia uwei na kine ki nongkhaii beain ia uba la tip kyrteng kum u Md. Hussain Ahmad uba dei napoh Sylhet District ka Bangladesh.

Na une u briew ki shipai ki la ioh ban kurup noh ia katto katne tylli ki byrni shini, katba kiwei pat ki la ioh ban phet krad noh da kaba shim kabu ia ka jingrben ki jaka khlaw bad ki jaka ba long riat.

Hadien ia une u briew bad ka mar ba la ioh kurup la aiti noh sha ki bor pulit hapoh Pynursla Police Station na ka bynta ban pynlong shuh shuh ia ka jingtohkit.