Kem ki Pulit West Jaiñtia Hills ïa uwei ba shah kynnoh dawa pisa
JOWAI: Ki Pulit jong ka West Jaiñtia Hills kila kem ïa uwei u briew ba kyrteng u Everist Dkhar (26) ba na ka shnong Thadmuthlong A halor ka jingshah kynnoh ba u donkti ban dawa pisa na uwei u briew uab sah ha ka thaiñ ba hap ha Phramer Praffic Cell, Phramer.
La kynnoh ba une Everist ula phone ïa uwei u briew dawa pisa T.2 lak haka 28 tarik u bnai Iaiong bad byrngem byrsit ba lada um siew ïaka pisa kaba u dawa ula maham thang ïa ka kali bad pynmynsaw ia kiba haiiing hasem.
![](https://www.syllad.com/wp-content/uploads/2024/09/JIT-Vacancy-823x1024.avif)
Marsien ïoh ka jingmudui ejahar ki pulit kila shimkhia ban pynap shrip ïa une u Everist bad ula lait na ki kti jong ki pulit haka 29 tarik Iaiong ha Rajasthan Hotel, Hynniawmer. Ki Pulit kila buddien ïa une u Everist bad kila lah ban pynthikna bad ithuh ïa u briew bad la leit kem ïa u na iing jong ka lok haka miet 8 tarik u Jymmang. Haka jingtohkit ki pulit ula phla ba ula leh ïa kane ka kam dawa pisa.
Ki pulit kila register iaka case pyrshah ïa u Everist bad la pyngngat ïa u hapoh ka kyndon aiñ katkum ka section 506 bad 384 IPC bad ka jingtohkit pyrshah ïa u kala iaid shakhmat.
Leave a Reply