Kham ioh bor u deputy CM la kynriah sha ward hadien bala dep leh sugery ha Apollo Hospital

Syllad | The Rising MeghalayaSeptember 13, 2024

Ki doktor ha Indraprastha Apollo Hospital, New Delhi ki la pynkynriah noh ia u Symbud Myntri Rangbah ka Jylla u Bah Prestone Tynsong sha ka kamra (Ward) jong ka hospital hadien ba la pyndep ia ka surgery bad hadien ba la kham ioh bor.

 Ia u Bah Prestone la pynkynriah shapoh Apollo Hospital ha ka 11 tarik Nailur hadien ka jingshah sumar na ka jingshitom lang snam ha jabieng, bad ha ka 12 tarik ka jingleh ia ka surgery da ka kynhun ki doktor ka la long kaba jop ha kaba la lah ban sei bad pynkhuid ia ka snam kaba lang.  

Kumba ka long mynta ki doktor hapoh kane ka hospital ki la shimkhia bha ia ka jinglong jingman baroh bad ban pynthikna ruh ba un ioh pat ia ka jingkoit kaba pura.