Kham stad ki kyrtong UDP ban ïaka NPP bad ka Congress

Syllad | The Rising MeghalayaFebruary 3, 2019

JOWAI:  Ka United Democratic Party (UDP) kala sei khambun ki kyrtong kiba biang ka kyrdan pule ka puthi ban ïaka Indian National Congress (INC) bad ka National People’s Party (NPP) bad kiwei kiwei ki party kiba dang suh thied ha Rilum Jaiñtia.

Ka khubor kaba thikna ha kane ka elekshon MDC ha JHADC; ka UDP kala sei ki kyrtong kiba la pyndep ïaka LLB, Engineer, Doktor Kot, Pulit bad ki riew rim haka haka Politik kiba la jop MDC haduh san samoi.

Katba ka NPP ki don ki riew pawkhmat haka kam trei kontrak, nongkhaii. Ka Congress pat bun ki riew rim kila phet bad kaba sah mynta ka sa u Holando Lamin na War Central.

Ka elekshon sha ka ïing dorbar jong ki ar tylli ki Autonomous District Council, JHADC bad KHADC kan long haka 27 tarik une u bnai bad baroh ki kyrtong kila pynkhreh ïaka jingthep kyrteng.

Ka UDP katkum ki kyrtong kiba kala pynbna ki dei kiba la ih ka rta bad kiba biang ka kyrdan pule.

Ar ngut ki kyrtong ka UDP kidei ki Muktiar (LLB) ki kynthup ïa u Krison Langstang na 26-Sumer bad u Marki Mulieh na Jowai North.

Uwei pat u Engineer u Ma Lakhon Biam na Nongbah bad uwei u doctorate na Bataw Lakadong u Dr. Chanky Shangpung bad u Pulit ma Suk Shylla (UDP) na Nongjngi.