Hap khang ar tylli ki jaka sumar ha Mairang Sub Division hadien ba iabit COVID i doktor bad nongshim dawai

Syllad | The Rising MeghalayaMay 18, 2021

U Sub-Divisional Magistrate ka Mairang Civil Sub-Division ula pynmih iaka hukum ban khang shuwa shipor iaka Nongkhlaw CHC bad ka Wahrit PHC hadien bala don kiba iabit khlam COVID-19 haka sngi ba Ar.

Kane kalong hadien ba i wei na ki doktor ka Nongkhlaw CHC ila iabit khlam COVID, katba ha Wahrit PHC pat iwei na ki nongshim dawai ila shah ktah haka jingpang khlam.

Ia kine ki ar tylli ki jaka sumar yn khang shuwa tad haduh bala pyndep iaka contact tracing bad ban pynshong kset ia kiba shah ktah haka khlam ban tem iaka jingpur ka khlam COVID-19.

La kyntu ia ki paidbah kiba la leit sha ka Nongkhlaw CHC ha ka 13 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi, katba iaki paidbah kiba wan ha Wahrit PHC ha ka 10 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi.

Lada don kino kino napdeng kiba shongpynkyrpang ialade ha la iing kiba khie shit, jyrhoh lane jynjar ban ring ne pynhiar mynsiem bad kumta terter, ki dei ban pyntip mardor lyngba ka phone sha ki number phone 94853-95373, 82579-46145, 76420-08817 lane  89740-37257.