Khang iaid kali haka surok bah Shillong Dawki ha Rngain

Syllad | The Rising MeghalayaJuly 17, 2024

I Additional Deputy Commissioner, Pynursla Civil Sub-Division, Pynursla haka 16 tarik Naitung ila pynbna paidbah ban yn khang iaka iaid ka ieng ki kali ha ka surok NH 40 Shillong Dawki ha ki bynta jong ka riat Rngain.

Katkum ka jingpynbna la ong “Kane ka long na ka bynta ka jingtip ba kyllum jong baroh ba ka surok bah NH-40 Shillong-Dawki kan khang na ka bynta ka leit ka wan haka bynta ne Chainage 33+00 ha Rngain naduh ka por 12:00 baje shiteng sngi haduh ka por 02:00 baje nohphai sngi ha ka 17 tarik u Naitung 2024.”

Ka jingkhang iaka surok ka long na ka daw ba kan don ka jingweng ne jingpynkhuid ia ki mawbah ba la sdien synjor ha kane ka jaka da ka Agency M/S YFC-ACE (JV)].

Kumta la kyntu iaki paidbah ban iaishah khnang ba ka jingpynkhuid kan long kaba iaid beit iaid ryntih.