Khang iaid kali heh haka surok Amlari Borghat

Syllad | The Rising MeghalayaJune 19, 2022

Ka Sub-Divisional Magistrate, Amlarem Civil Sub-Division, Amlarem katkum ka kyndon aiñ hapoh jong ka Section 144 CrPC kala khang pyrshah ban iaid ki kali heh ne ki trok ha shilynter ka surok Amlari haduh ka lad Borghat (Muktapur).

Ka hukum kala bthah ia baroh ki kali heh ba kin iaid lyngba ka surok Muktapur-Dawki.

La pynmih ia kane ka hukum hadien ka jingbteng ka jingther jong u lap bah ha kine ki khyndiat taiew bad kane ka surok ban leit sha Muktapur na Amlarem kala julor ha kiba bun ki jaka hadien ka jingtwa khyndew bad ka surok haka bynta kaba la tip kum “Kyrdeng Khli” kala julor bun kaba jngai 20km haka surok Amlarem-Muktapur.

Kane ka surok kala shah rong lut haka um saw bad kane ka lah ban buh jingeh bad jingbymshngain iaka iaid ka ieng u paidbah lyngba kane ka surok.