Khang ïaid trok dewiong napoh shnong Pammanik

Syllad | The Rising MeghalayaOctober 8, 2021

Ka Dorbar Shnong Pammanik kala pynbna paidbah ba kala khang ban iaid ki trok kit dewiong na ka surok shnong namar bala sniew tasam ka surok.

Ka surok ka sniew shaba palat liam namar ka jingbun ki trok ki dewiong ba iaid na kane ka surok bad kane kala wanrah jingeh shibun iaki paid nongshong shnong haka leit ka wan khamtam haka pang ka shitom la ong secretary shnong Pammanik u ma Shibor Langstang.

Ula ong ba nakaliang ka dorbar shnong kala shim ia kane ka sien jam ban khang iaid ki trok kit dewiong ban iada na ka jingjot jingpra ka surok shnong Pammanik. Kino kino ki trok kiba leh pyrshah ka shnong kan aiti sha ki bor jong ka aiñ.

Ka bor shnong kala kyntu ia baroh ki trai trok bad nongniah trok ban iatreilang ban lait na kino kino ki jingeh.