Khang iaid trok haka surok Umlawang, East Jaintia Hills

Syllad | The Rising MeghalayaJuly 30, 2021

U District Magistrate jong ka East Jaintia Hills District, Bah E Kharmalki ula pynjari da ka kyndon aiñ 144 CrPC ban khang pyrshah iaki trok ban iaid lyngba iaka surok DSSMH-Umlawang kaba dang iaid shait shait iaka jingshna ia kane ka surok.

“Baroh ki trok kim bit ban iaid lyngba kane ka surok namar ba ka lah ban wanrah iaka jingsniew ka surok. Kane ka hukum kan treikam mardor,” la ong ka hukum u district magistrate.

U District Magistrare ula ong ba ka kam kala iaid shakhmat bad haka 1-2 KM la dep ban siang maw bad ka jingsiang rong ruh kala iaid shait shait ha kane ka surok. Hynrei la ioh report ba ki trok ki iaid ha kane ka surok haka por ba trei kumjuh ruh hadien bala dep ban siang maw, kaba buh jingeh ban shna bha iaka surok.