Khang ka bor shnong Darrang ban sahmiet ki rawon ha wah Umngot

Syllad | The Rising MeghalayaNovember 8, 2020

U Waheh Shnong ka shnong Darrang u ma Aliewsen Ryngksai ula pyntip baka bor shnong kala rai ban khang pyrshah ia kino kino ki nongkhwai ban sahmiet ha Wah Umngot khlem ka jingbit jong ka shnong.

“Ki nongkhwai kiba wan ban khwai dohkha ha ka wah Umngot ba hap hapoh u pud u sam ka shnong Darrang kim bit ban sah miet khlem da ioh bor na ka shnong,”la ong u Waheh Shnong bad kyntu ruh ia ki nongkhwai ban long kiba leh khuid ban nym bret jaboh lada dei ki plastic, eit masi bad kiwei kiwei kiba pynjaboh iaka wah.

Ki nongkhwai ki dei ruh ban mih noh naka wah Umngot shuwa ka san baje janmiet. La kyrpad ia ki paidbah ba kin sngewbha ban iatreilang bad ka bor shnong khnang ban wanrah ia ka bha ka miat ia baroh lang bad kino kino kiba ialeh pyrshah kin ngat haka jingpynshitom katkym ka rukom pyniaid shnong.