Khang ka DC iaka Iewdielang, Iewduh bym bud ryntih iaki adong COVID-19

Syllad | The Rising MeghalayaMay 11, 2021

Ka Deputy Commissioner, East Khasi Hills District, Isawanda Laloo haka sngi ba Ar kala khang iaka Iewdielang, Iewduh hadien ba ki nongrep kim shym la bud ryntih ïaki adong adit COVID-19.

Ia kane ka hukum ka DC kala pynmih hadien ba kala ioh ka report na u Incident Commander, Zone-IV ba ki nongrep kiba wan pynhap mar bad die jhur sha ki nongdie lang (wholesaler) ha Iewdielang, Iewduh kim shym la bud satia iaka jingieng jngai ne kham pajih iwei ia iwei ne ka social distancing kaba bud jingeh ban khang lad iaka jingialum briew.

Ka DC katkum ka bor bala pynkup da ka Meghalaya Epidemic Diseases, COVID-19 Regulations, 2020 na ka bynta ban tem iaka jingsaphriang ka khlam COVID-19 kala pynbna bala khang iaka Iewdielang, Iewduh tad haduh bala pynbna da kumwei.