Khang ka Dorbar Shnong Rymbai, Kwator bad Ialong ban wan ki briew kiba nabar

Syllad | The Rising MeghalayaApril 3, 2020

Ka Dorbar Shnong Rymbai, East Jaintia Hills ka la khang pyrshah ia kino kino kiba leit lum leit wah, shangkai suwari, bam khana bad leit khwai hapoh u pud u sam jong ka shnong Rymbai.

Ka Dorbar shnong kala khang pyrshah ruh iaki kali ba iaid lynti lyngba ka Rymbai Bataw Borkhat Road (RBBR) bad ka thain Leshka, Suchen, Iapmala bad Lumskhen khlem da ioh kano kano ka jingthoh pynshisha na ka ophis u Deputy Commissioner, East Jaintia.

Ka Dorbar Shnong ka la buh ruh iaki volunteer ki ban peitngor iaka leit ka wan ka iaid ka ieng jong ki briew bad ki kali. Ka Dorbar Shnong ka la kyrpad ia baroh ki para marjan shnong marjan thaw ban iatreilang ryngkat khnang ban lah ban ialeh pyrshah bad iada na u khñiang COVID-19.

Ka bor shnong kala maham ba kiba leh pyrshah kin shah pynshitom katkum ka aiñ shnong

Ha kajuh ka por ka Dorbar Shnong Kwator ruh kala shim ïa ka juh ka rai ban khang ïa baroh kiba na bar shnong ban rung ban mih hapoh ka shnong Kwator, lait noh tang kiba la ïoh ka car pass n aka bor synshar district jong ka East Jaiñtia Hills District.

Ka bor shnnong Kwator kala kyntu ia baroh ban bud ryntih ïaki jingbthah jong ka sorkar naduh ban deng ïaki mask bad ban kiar na ki jaka bun briew ban iada n aka jingpur u khniang coronavirus.

Ka bor shnong kala kyntu iaki paidbah ba kim dei ban bynthiew umbiah kat shaba lap bashem.

Ka Dorbar Shnong jong ka Shnong Ialong, West Jaiñtia Hills District kala ruh kala khang pyrshah ia baroh ban wan sha ka Ialong Tourist Spot bad khang ruh ïaki rawon ban wan khwai tad haduh bala pynbna da kumwei. Ka borshnong kala khong iatreilang ia baroh ban iakhun pyrshah ia u khniang COVID-19.