Khang ka Dorbar Shnong Thangskai ïaka Dalmia Cement bym ïoh kam ki trai shnong
KHLIEHRIAT: Ka Dorbar Shnong jong ka shnong Thangskai mynta ka sngi kala khang tala ïaka kharkhana dewbilat jong ka Dalmia Cement Ltd namar ba kane ka kharkhana kala leh bymsuidniew ïaka jingïakut jong ka shnong ban thung kam thung jam ïaki trai shnong ha katei ka kharkhana.
Ka dorbar shnong kala rai ruh ban khang ïaka surok ba iaid na surok bah sha ka kharkhana naba kala sinew shaba palat bad kane ka kharkhana kam shym la maramot ïa kane ka surok wat hadien bala ud la nam ki nongshong shnong.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka jingsniew kane ka surok kala pynjakhlia lut ïaki tyllong umbam umdih na ka daw jong ka pum pum kaba la ktah ïaka koit ka khiah u briew bad haka por lyuir pat kane ka surok ka kylla long ka surok ktieh bad kaba dap da ki thliew ki syar.
Ka dorbar shnong Thangskai namar kane ka jingleh bym suidniew kane ka kharkhana ïaka jingiakut hapdeng ka shnong bad ka kharkhana kala rai ba kan ym shah shuh iaki kali ban iaid shapoh company lyngba kane ka surok kaba hap hapoh ka jingpeit ka shong bad tad haduh bala pyntreikam ïaki soskular bala ïakut bad ka shnong.
Leave a Reply