Khang ka KSU bad MPUF iaka dukan ba suba die khaw plastic ha East Jaintia Hills

Syllad | The Rising MeghalayaJuly 7, 2021

Ka Khasi Students’ Union (KSU) bad ka Meghalaya Peoples United Front (MPUF) kiba naka shnat treikam Wapung Unit kila ujor sha u DC, East Jaintia Hills bad kynnoh ia kawei ka dukan khaw ba ka die ia u khaw plastic haka sngi Balang.

Ki nongialam jong kine ki ar seng ba kynthup ia u Shwari Ryngkhlem General Secretary KSU Wapung Unit bad Samely Siangshai President MPUF Wapung Unit ha ryngkat bad kiwei kiwei ki dkhot hadien ba kila ioh iaka jingujor kila leit sha katei ka dukan kaba la tip kum ka TS Star kaba don Moowakhu, Dkhiah West East Jaintia Hills.

Ka KSU bad ka MPUF kila kam ba kila lap shisha ba don ka jingiapher u khaw ha ka juh ka byrni bad la lap ia u khaw ba suba plastic ha ki ar jait ki company khaw. Kine ki khaw ki don ar jait, Om An Time bad Sunrise.

U Shwari ula ong ba u trai ka dukan ula die ia kine ki khaw sha ki shnong bapher bapher hapoh district bad la iathuh ba ia une u khaw la wanrah na Guwahati.

Ki nongialam kine ki seng kila ong ba u DC un sa phah jurip ia kane ka dukan bad kila khang ruh shisyndon ia kane ka dukan.