Khang ka Moopyllaitsyiar & Namdong ban rung ki briew kiba nabar hapoh shnong

Syllad | The Rising MeghalayaApril 5, 2020

Hadien ka jingkiew ka jingbit ka khlam Coronavirus haka ri, kiba bun ki shnong ha Rilum Jaiñtia kila shimkhia ban khang khyrdep ïaki shnong ki thaw ban iakhun ban tehlakam ïaka jingiabit u khniang ha kylleng ki shnong.

Ka Dong Moopyllaitsyiar, Khliehtyrshi kala pynmih ka jingpynbna ba kala khang pyrshah iaka jing wan rung jong ki briew ki ba nabar shnong shapoh shnong lait tang lada don ki kam ba kyrkieh haryngkat ka jingpynshisha.

La khang pyrshah ia ki kali ba khlem ka Curfew Pass ban rung sha poh ka dong. Ka dong Moopyllaitsyiar kala kyrpad ia baroh ki nongshong shnong ban iatreilang bad lada ki lap ia kino kino kiba leh pyrshah ba kin sngewbha ban pyntip sha ka bor shnong.

Baroh kiba shong ïing wai ne kiba shong shnong thymmai ym shah ba kin leit phai iïng ne leit phai shnong bad la khang pyrshah ban wer paralok ban sah ha ki iing jong ki tad haduh bala pynbna da kumwei.

Shuh shuh ka shnong Namdong B kala shim iaka juh ka rai ban khang shnong syndon bad kala buh da ki khyrdop ba ym shah ban ïaid ban ieng klumar ki kali bad briew hapoh shnong

U DS War, Publicity Secretary ka Namdong B ula ong ba ki sngewkhia jur halor ka jingsaphriang ka jingpang khlam corona bad dei namar kane kila rai ban khang shnong bad ym shah iaki briew kiba nabar ban rung shapoh shnong, kata iaki nongdie jingdie shapoh shnong khlem da ïoh jingbit n aka bor shnong

Ka shnong Namdong-B kala khang pyrshah ïa ki bar jylla ban wan rung jubor shapoh u pud u ang ka shnong.

La kyntu ia baroh ki nongshong shnong bad ki nongdie dukan hapoh shnong ban bud iaki jingbthah jong ka sorkar ban kiar na ki jaka bun briew khnang ban lah ban ïakhun pyrshah ïa u khniang coronavirus.