Khang ka shnong Mukhla Nongrim ban rung kiba briew nabar hapoh shnong

Syllad | The Rising MeghalayaJuly 30, 2020

Ban iada na ka jingpur sted ka khlam COVID-19, ka Dorbar Shnong Mukhla Nongrim sa shisien ka la kyrpad iaki paralok ba nabar shnong ba kim bit shuh ban rung klumar shapoh shnong poh thaw khlem kino kino ki kam ha kum kane ka por ka saw ka sain na ka jingiakhun pyrshah iaka khlam.

Ka dorbar shnong Mukhla Nongrim kala khang pyrshah ia ki nongleit khwai, shang pynngad bad bam khana sha Sahbsein.

Iaki briew kiba iaid lynti lyngba ka surok LNKT road naduh na Ladmukhla kidei ban rah ban ID card kumjuh ka tnad MLP 3rd Battalion kiba iaid lynti lyngba ka surok LNKT Road sha Head Quarter jong ki kaba don ha Mukhla Nongrim ha Lum Sahbsein bad la khang pyrshah ban sangeh ne ieng thied tiar na ki dukan ba don hapoh u pud u sam ka shnong.

Lada lap ia kino kino kiba ialeh pyrshah khlem ka jingtip u Waheh Shnong, Secretary ne ki Volunteer jong ka shnong kin shah pynshitom katkum ki kyndon ba ls rai da ka Dorbar Shnong, ong u kyrwoh bala phah da u Muhon Sari, Waheh Chnong Mukhla Nongrim.