Khang ki ophis sorkar bad dukan ha Jowai

Syllad | The Rising MeghalayaNovember 25, 2022

Ka jingjia shah siat iap ki 5 ngut ki nongshong shnong ka Mukroh bad uwei u forest guard ka Assam kaba la jia haka jingther kuli pathar ki Pulit Assam kaba la jia haka 22 tarik Naiwieng 2022 kala wanrah ka jingpyrshah kaba jur kala ktah ruh iaka jingshong suk sain haka Jylla.

Ki san seng kiba kynthup iaka KSU, FKJGP, JSU, HNYF bad ka RBYF kila khot pynlong ia kane ka jingthang mombati kum ka dak ban pynpaw iaka jingsngewlem iaka jingjia ha Mukroh. Hynnin ka sngi ba Palei hadien ka jingthang mombati kaba la khot pynlong da kine ki seng kala mih ka klumar bad ka jingkawang petrol bom iaki pulit ha Shillong.

Kane ka jingthang mombati kan long ha Jowai mynta, hynrei shuwa kane ka jingialang ki dukan dukdoh kila khang ha kiba bun bynta jong ka Jowai bad Mihmyntdu khamtam ki dukan kiba don ki bar jylla.

Ki dkhot bad ki nongialam ki ne san seng kiba la kah dur khmat da ki kali ban leit phah khang iaki ophis sorkar ha Jowai. La sakhi ba ki bank ruh kila khang ha Jowai